«Alt er mitt» seld til Spania (forlaget Maeva) – som tredje land etter Tyskland og Polen. Takk til min kjære agent Gina Winje. Og takk til supre Kagge forlag har samla godord om boka på denne plakaten. Stor stas sjølv for ei som likar langt betre å skrive bøker enn å lansere dei. Blir så glad om boka når fram til mange fine lesarar!
For 6. år på rad inviterer kunstnarane, designarane og kunstformidlarane på Bærums Verk til kollektivutstilling i Gassbygningen. I år er temaet MINNER. Opning onsdag 10. oktober kl. 19.00! Sjølv skal eg stille ut ferske bøker på utstillinga, ha vakt på utstillinga 12.10 og og lese på Strikkekafé 15.10. Biletet viser det nye kjennemerket som er laga til årets utstilling. Det er henta frå dei gamle omnane, og står for Bærums (jærn) Verk – med oldtidssymbolet for jarn.
Les meir om Kunstfest her
I samband med utgjevinga av «Alt er mitt» har fleire
aviser intervjua meg. Eit par av intervjua ligg ute, mellom anna det i Budstikka og i Dagsavisen.
Dessutan har både VG og Dagbladet anmeldt boka. «Troverdig og sjangertro psykologisk thriller fra en krimdebutant som har potensial til å slå an hos mange lesere» skreiv bokmeldar Elin Brend Bjørhei om «Alt er mitt» i VG (sjølv om ho også har nokre innvendingar), og meir kan ein jo eigentleg ikkje ønske seg. Her kan du lese kva Ingvar Ambjørnsen i Dagbladet skriv. Håpar mange vil lese og gjere seg opp si eiga meining!
Biletet er frå morgonen 24.9 – då eg var i studio på NRK Marienlyst for å vere med på NRK Hordalands morgonsending – som det ikkje ligg lenke til her, då eg rett og slett ikkje finn den på nett.
Hurra! Allereie før utgjeving vart «Alt er mitt» seld til Tyskland og Polen. «Janina Dyballa i Ullstein Buchverlage – som gir ut blant Anna Jo Nesbø og Camilla Läckberg – seier: “I am still captured by this masterful tale of revenge and it`s strong heroine” medan Monika Mielke I Wielka Liters Publishing House i Polen seier: «Deep Fjord» is that kind of book that makes you thrill from the very beginning. A unique Scandinavian thriller – it shows that justice is not always the right thing and the right thing is not always justice. A must-read bestseller!”
I slutten av neste veke kjem den psykologiske thrilleren Alt er mitt ut. Denne veka får eg vere med Kagge forlag på turné der me presenterer bøker for bokhandlarar. Veldig gøy. Are Kalvø, Maja Lunde, Hege Duckert, Arnhild Skre, Elisabeth Andreassen, Odd Karsten Tveit, Ken André Ottesen og Ingvild Tennfjord er dei andre forfattarane som er med. No – tysdag formiddag – går turen straks vidare til Bergen. Men sjå den fine velkomsten eg fekk på hotellet i Trondheim mandag ettermiddag. Smelt!
Den ferske barnediktboka «Skogen den grøne» er meldt av Mette Bleken i Hardanger Folkeblad. Ho skriv blant anna: «Lillegraven diktar oss ei ny verd i skogen den grøne. Skogsturane frametter vert garantert noko anna enn dei har vore til no, for fleire enn meg. Istappane som heng i mosegrodd berg; er dei bjørnetenner som smeltar vekk drope for drope? Geviret som kan hende «såg stormen kome/bestemte seg for/hoppa av», eller «skodda som huldrepust» er lillegravenske bilete. Samlinga er illustrert av Mari Kanstad Johnsen, prislønt og kritikarrost illustratør og forfattar. Bileta hennar inneheld fleire element du kan dikta vidare med.»
Heile meldinga kan du lese her
Sigd ut i verda på 4 språk! Til hausten kjem diktsamlinga mi Sigd (2016) på engelsk og spansk. Den franske utgåva er venta neste vår medan Azul Press i Nederland nettopp har kjøpt boka. Stas at den no skal kome ut på nederlandsk, det opprinnelege språket til mor mi. Forfattaren sjølv synst det er rørande at boka om Endre får reise ut i verda, når småbrukarsonen Endre i boka aldri fekk reise nokon stad, slik han drøymer om. Det blir spennande å sjå dei ferdige bøkene etterkvart.
Tusen takk, kjære superagent Gina Winje!
7.7 kjem Los Angeles Children Chorus til Bergen, to dagar seinare til Oslo. Dei skal syng litt forskjellig, men blant anna Therese Birkelund Ulvo (biletet) sitt nyskrivne verk I am I am I am – med tekstar frå barnediktboka mi, Eg er eg er eg er. Her kan du lese meir om Oslo-konserten.
Laurdag 8.9 blei den ferske barnediktsamlinga «Skogen den grøne» – illustrert av Mari Kanstad Johnsen – lansert under Ulvik Poesifestival. Masse folk i alle aldrar var til stades 