Nyhende

sep 11, 2018

På turné med Kagge forlag

I slutten av neste veke kjem den psykologiske thrilleren Alt er mitt ut. Denne veka får eg vere med Kagge forlag på turné der me presenterer bøker for bokhandlarar. Veldig gøy. Are Kalvø, Maja Lunde, Hege Duckert, Arnhild Skre, Elisabeth Andreassen, Odd Karsten Tveit, Ken André Ottesen og Ingvild Tennfjord er dei andre forfattarane som er med. No – tysdag formiddag – går turen straks vidare til Bergen. Men sjå den fine velkomsten eg fekk på hotellet i Trondheim mandag ettermiddag. Smelt!

Sticky
0
Share
sep 09, 2018

«Skogen den grøne» har fått si første melding

Den ferske barnediktboka «Skogen den grøne» er meldt av Mette Bleken i Hardanger Folkeblad. Ho skriv blant anna: «Lillegraven diktar oss ei ny verd i skogen den grøne. Skogsturane frametter vert garantert noko anna enn dei har vore til no, for fleire enn meg. Istappane som heng i mosegrodd berg; er dei bjørnetenner som smeltar vekk drope for drope? Geviret som kan hende «såg stormen kome/bestemte seg for/hoppa av», eller «skodda som huldrepust» er lillegravenske bilete. Samlinga er illustrert av Mari Kanstad Johnsen, prislønt og kritikarrost illustratør og forfattar. Bileta hennar inneheld fleire element du kan dikta vidare med.»

Heile meldinga kan du lese her

.

 

 

Sticky
0
Share
jun 27, 2018

Sigd seld til 4 land!

 

Sigd ut i verda på 4 språk! Til hausten kjem diktsamlinga mi Sigd (2016) på engelsk og spansk. Den franske utgåva er venta neste vår medan Azul Press i Nederland nettopp har kjøpt boka. Stas at den no skal kome ut på nederlandsk, det opprinnelege språket til mor mi. Forfattaren sjølv synst det er rørande at boka om Endre får reise ut i verda, når småbrukarsonen Endre i boka aldri fekk reise nokon stad, slik han drøymer om. Det blir spennande å sjå dei ferdige bøkene etterkvart.

Tusen takk, kjære superagent Gina Winje!

Sticky
0
Share
apr 21, 2018

Fire dikt frå «Eg er eg er eg er» blir framført i L.A.!

Av og til skjer det heilt surrealtistisk kule ting! 12. mai skal Los Angeles Children`s Chorus framføre fire tekstar frå barnediktboka «Eg er eg er eg er». Musikken er laga av ein av Noregs fremste komponistar, Therese Birkelund Ulvo. Tusen takk for at du ville bruke mine tekstar, Therese! Og takk til Kristine Hovda som saman med Therese har stått for gjendiktingane til engelsk. Eg skulle så gjerne vore der den dagen, men det blir 50-årsdag på Nordmøre i staden. Tante Sigrid Lillegraven Ortega (som har budd i Los Angeles heile sitt vaksne liv) har heldigvis lova representere meg.

 

Sticky
0
Share
apr 12, 2018

Cally – også i mai

Hurra! No også i mai månad! CALLY – framleis med den fabelaktige Ingeborg Sundrehagen Raustøl (biletet, tatt etter sist eg sjølv var og såg Cally) i hovudrolla og med regi av geniale Maren E. Bjørseth – har fått tildelt 5 kveldar i mai også – i tillegg til dei seks som gjenstår i april. Mange moglegheiter for dei som enno ikkje har sett, altså! Sjå alle datoane her.

Sticky
0
Share
apr 02, 2018

CALLY: Tommel opp frå Morgenbladet – og nye framsyningar

Morgenbladet likte også Cally, og skreiv blant anna: «Et humoristisk hurtigtog av en forestilling om det begivenhetsrike livet til Det Norske Teaterets første kvinnelige teatersjef … Cally var en talentfull sanger som ublygt markerte scenen som sitt territorium. Det samme gjør hovedrolleinnehaver Ingeborg Sundrehagen Raustøl.» står det blant anna i meldinga, som du kan du lese her. 

Dessutan har Det Norske Teatret lagt ut fem nye framsyningar i mai, i tilegg til dei som opphaveleg låg ute. Du kan sjå heile oversikten her. 

 

Sticky
0
Share