Eg har blitt intervjua om dei to nye bøkene mine i fleire aviser, men berre intervjuet i Vårt land ligg gratis ute – det kan du lese her om du vil.

Puh! Etter ein travel vår og ditto sommar, der eg har jobba på fire bøker samstundes, vore festspeldiktar på Dei nynorske festspela, spelt tre Sigd-konsertar saman med den fantastiske Benedicte Maurseth pluss ein heil del anna, har eg gått inn for landing i heimlandet barndom.

Den nye diktboka mi for vaksne, Sigd, blir lansert 7. august – med poesikonsert i Ulvik. Boka fortel om Endre, som veks opp som odelsgut i ei vestlandsbygd på 1800-talet. Han skal vere som faren og fedrane før han. Som ung mann treffer han Abelone, giftar seg med henne og tek over garden. Framtida …